Բարսելոնան 112 տարեկան է!!! (56)
Այսօր` նոյեմբերի 29 - ին, մեր սիրելի ակումբը` Բարսելոնան, նշում է իր հիմնադրման 112 - ամյակը: 1899 թվականի նոյեմբերի 29 - ին շվեցարացի Ժոան Գամպերը 11 այլ մարզասերների հետ հիմնադրեց ՖԱ Բարսելոնան: Նա երբեք չէր կարող պատկերացնել, որ այս նախաձեռնությունն ի վերջո այսպիսի ահռելի զարգացում կունենա:
Այժմ, առաջին հայացքից չնչին թվացող այդ իրադարաձությունից 112 տարի անց, Բարսելոնան ոչ թե հարյուրավոր, ոչ թե հազարավոր, այլ միլիոնավոր երկրպագուների բանակ ունի, որոնք սփռված են աշխարհով մեկ: Բարսան այժմ Կատալոնիայի հպարտությունն է ու շատ կատալոնացիների կյանքի իմաստը: Ակումբն այժմ իսկապես համապատասխանում է իր կարգախոսին` ավելի, քան ակումբ:
Բարեբախտաբար, Հայաստանում էլ արդեն կա այնպիսի վայր, որտեղ կարելի է նշել սիրելի թիմի տարեդարձը: Խոսքը Խանջյան 33 հասցեում գտնվող ՖԱ Բարսելոնա ֆան - կաֆեի մասին է, որի հետ համատեղ barca.am - ի ադմինիստրացիան կազմակերպել է միջոցառում` նվիրված Բարսայի հիմնադրման 112 - ամյակին:
Այնպես որ, հրավիրում ենք Ձեզ միասին նշելու ՖԱ Բարսելոնայի հիմնադրման 112 -ամյակը Խանջյան 33 հասցեում գտնվող ՖԱ Բարսելոնա ֆան - կաֆեում (հեռ.` (010) 58 00 66): Ցուցադրվելու են փաստավավերագրական ֆիլմեր և տեսանյութեր Բարսելոնայի վերաբերյալ: Մուտքն ազատ է, լինելու է անվճար հյուրասիրություն: Սպասվում են շատ այլ անակնկալներ:
Միջոցառման սկիզբը` 21:30 - ին:
sammes, barca.am